Adoleshentja bie nga 10 metra e lartë, por pritet në duar nga një burrë (Video)

Matthew Howard po largohej nga një park argëtimi në Nju Jork të shtunën pasdite me familjen e vet kur e dëgjoi dike duke thirrur për ndihmë.

Ai shikoi lart dhe pa një vajzë të re të varur prej një kolovajze të ngadaltë 8 metra mbi tokë teksa dielli po perëndonte. Vëllai i saj i vogël qëndroi ulur pranë saj në kolovajzën e gjelbër për dy persona, duke qarë në mënyrë të pakontrolluar e duke thënë se nuk po mund të mbahej më, transmeton Express.

Howard, 47-vjeçar, dhe vajza e tij 21-vjeçare, Leeann Winchell, vrapuan dhe u vendosen nën kolovajzën në të cilën adoleshentja kishte mbetur e varur.

Howard ka thënë: “I thashë ‘në rregull është.’ ‘Në rregull është, mund të lëshohesh, do të të kap unë’”.

Më pas adoleshentja lëshohet dhe bie drejt e në duart e Howard, i cili e shpëton atë për të mos rënë në tokë./Express/