Ditë e frytshme Qeverinë Haradinaj. Përveç që nga sot kryeministri Ramush Haradinaj dhe vartësit e tij do të marrin paga të dyfishuara, atyre do t’u shtohen rritjet e gjashtë muajve të kaluara, pasi nuk i kishin marrë për shkak se u pezullua vendimi i marrë nga Haradinaj për rritjen e pagës së vet dhe të qeveritarëve.

Kryeministri Ramush Haradinaj, që edhe ashtu ka të ardhura të larta mujore, do të shoh ditë akoma më të mira në këtë aspekt.

Gjykata Kushtetuese sot konstatoi ligjshmërinë e vendimit të Haradinajt për dyfishimit të pagës së vet dhe të vartësve të tij.

Tash e tutje shefi i Qeverisë do ta ketë pagën 2950 euro, ndërsa i janë grumbulluar edhe rritja e pagës së gjashtë muajve të kaluar sa ishte pezulluar vendimi i ngritjes së pagaze.

Kjo sepse vendimi i Qeverisë ishte marrë më 20 dhjetor të 2017’ës, ndërsa ishte pezulluar derisa Gjykata Kushtetuese doli më një konstatim.

Për gjithë muajt që Haradinaj dhe zyrtarët tjerë qeveritarë nuk i kanë marrë pagat me rritje u janë grumbulluar dhe do t’i marrin të gjitha përnjëherë.

Vendimi do të hynte në fuqi prej datës 1 dhjetor 2017. Kësisoj, pagat me rritje ishin planifikuar të merreshin që nga 1 janari i këtij viti.

Prej një janarit deri më tani kryeministrit dhe të tjerëve i janë mbetur gjashtë paga që do t’i marrin tash kur Gjykata Kushtetuese konstatoi se nuk ka pasur shkelje në marrjen e këtij vendimi. /Express/

 

Loading...
Global