...shpejt dhe ndryshe...

Thaçi tregon pse i dha dysh Bilall Kasamit (VIDEO)

Kryetari i PDSH-së, Menduh Thaçi ka zyrtarizuar dështimin e marrëveshjes me Lëvizjen BESA për zgjedhjet lokale të 15 tetorit. Ai në piknikun në Studeniçan dje theksoi se nuk u arrit marrëveshja, edhe pas përpjekjeve dhe angazhimit të tij, për të dal bashkë në zgjedhje për të fuqizuar votën opozitare shqiptare, informon INA.

Ai theksoi sot se nuk pranon koalicionim me partitë që janë pjesë e qeverisë.

Sipas tij, këto parti kanë mashtruar popullin duke mos realizuar asgjë nga ajo që është premtuar. “Po thirren në arsyetimet se është herët për të dhënë vlerësime, por dita shihet që në mëngjes. Andaj them se ata kanë mashtruar, sepse po del se vetëm PDSH përfaqëson interesat e shqiptarëve”, theksoi Thaçi nga pikniku në Studeniçan.

Ai u ndal edhe në punën e kryetarit të komunës së Studeniçanit, Azem Sadiki, duke thënë se është njëri ndër kryetarët më të suksesshëm nga komunat shqiptare. Sipas tij, projektet sa i ka realizuar Azem Sadiki, nuk i realizuar asnjë nga kryetarët e komunave, qoftë edhe ato më të mëdha.

Fjalimi i kryetarit të PDSH-së z.Menduh Thaçi në piknik Studeniçan

Опубліковано Partia Demokratike Shqiptare 12 серпня 2017 р.